ما ودك الليلة..تجي نسهر أحباب واحكي لك رواية غرام ٍ ..قديمه قلبي يسولف لك.. وتحضنك الأهداب وأهديك ..نجمات الليال العتيمه وليا تبلج ..عن ثناياك عناب مديت لك ..عذب القصايد غنيمه وإذا القصيد أخجلك..من كثر الإعجاب تدرين..وش كثر البشر مستهيمه واني قريتك حب..والفته كتاب عنوانه أنتي ..فتنة ٍ مستديمه جمعت به مشاعري.. شوق.. وعتاب وألبستها وصفك.. وصارت عظيمه يا اللي جمالك حكم.. تخضع له أرقاب لك الضلوع عروش ..وأنتي زعيمه في طلتك.. كل شي.. فاتن..وجذاب طلي..يبل الروح.. رذاذ غيمه وأشرف معك.. بين الأزاهير.. مرقاب قبل السنين ...أشوف منها الحريمه أدري على كفك.. من جروحي خضاب وأضمها بيديّ.. حب.. وحشيمه واللي يقول.. اعزم على الهجر.. كذاب عجزت لا ألقى ..للمفارق عزيمه يمكن غلبني الحب ..والحب غلاب لكن جفاك أنتي..عليه ظليمه | 